کیا پالیسی ریٹ برقرار رہے گا؟

مانیٹری پالیسی کمیٹی کا اجلاس جس میں 11.5 فیصد پالیسی ریٹ کا جائزہ لیا جائے گا 26 اکتوبر کو طے شدہ ہے۔اس حوالے سے شدید خدشات پائے جاتے ہیں کہ شرح سود میں اضافہ کیا جا سکتا ہے، کیونکہ مہنگائی بدستور دو ہندسوں میں ہے۔ اس کی بڑی وجہ پیٹرولیم اور اس سے متعلقہ مصنوعات کی بین الاقوامی قیمتوں میں اضافہ ہے، جبکہ یکم نومبر کو مشرقِ وسطی کا تنازع اپنے آٹھویں مہینے میں داخل ہو جائے گا ۔ مئی میں کنزیومر پرائس انڈکس 11.7 فیصد، جون میں 11.1 فیصد رہا؛ جولائی میں یہ کم ہو کر 9.2 فیصد پر آ گیا، لیکن اگست میں دوبارہ بڑھ کر 11.1 فیصد ہو گیا اور ستمبر میں اس میں ایک فیصد سے بھی کم کمی آئی جس کے بعد یہ 10.3 فیصد پر رہا ۔ اس کے برعکس، ‘کور انفلیشن’زیادہ مستحکم رہی ہے، جو اگست 2026 میں 8.8 فیصد اور ستمبر 2026 میں 8.6 فیصد کے درمیان رہی۔ یہی وہ اشاریہ ہے جسے مانیٹری پالیسی کمیٹی کے اس فیصلے کے جواز کے طور پر پیش کیا جاتا رہا ہے کہ 28 اپریل 2026 سے پالیسی ریٹ میں کوئی اضافہ نہ کیا جائے۔ یہ شرح سود اس وقت بھی برقرار رہی جب کور انفلیشن رواں سال مارچ میں 7.4 فیصد سے بڑھ کر اپریل میں 8 فیصد اور مئی میں 9 فیصد تک پہنچ گئی تھی۔ مہنگائی اور پالیسی ریٹ کے درمیان اس عدم مطابقت کا جواز اسٹیٹ بینک کے کاروباری جائزوں کے نتائج اور مانیٹری پالیسی اسٹیٹمنٹ میں کیے گئے اس مسلسل دعوے سے پیش کیا جاتا ہے کہ درمیانی مدت میں مہنگائی کی شرح 5 سے 7 فیصد کے درمیان رہنے کی توقع ہے۔اس میں کوئی حیرت کی بات نہیں کہ آزاد ماہرینِ معاشیات کی غالب رائے یہ ہے کہ پالیسی ریٹ میں تبدیلی کا اصل فیصلہ بین الاقوامی مالیاتی فنڈ کے ساتھ بات چیت کے دوران کیا جاتا ہے؛ شاید یہی وجہ ہے کہ اس شرح کے تعین پر کوئی اکثریتی فیصلہ سامنے نہیں آتا۔ اس تناظر میں یہ بات قابلِ ذکر ہے کہ ایکسٹینڈڈ فنڈ فیسیلٹی پروگرام کے تحت ہر سہ ماہی جائزے کے بعد، مناسب مانیٹری مقف برقرار رکھنے پر زور دیا جاتا ہے۔ 7 اکتوبر کو اسٹاف کی سطح پر ہونے والے چوتھے معاہدے کے بعد جاری کردہ پریس ریلیز میں اس کی وضاحت کرتے ہوئے کہا گیا کہ اسٹیٹ بینک آف پاکستان کو مناسب حد تک سخت مانیٹری موقف برقرار رکھنا چاہیے، تاکہ اس بات کو یقینی بنایا جا سکے کہ افراطِ زر پائیدار طریقے سے اسٹیٹ بینک کے مقرر کردہ ہدف کی حدود میں واپس آ جائے ۔ یہاں یہ بات بھی اہم ہے کہ پاکستان میں پالیسی ریٹ اور افراطِ زر پر قابو پانے کے درمیان تعلق بہت کمزور ہے، جس کی دو وجوہات ہیں:(اول)سرکاری اخراجات میں اضافہ، گھریلو اخراجات کے مقابلے میں کہیں زیادہ تیز ہے مثلا 2026 میں یہ شرح بالترتیب 18.8 فیصد اور 11.37 فیصد رہی۔ سرکاری اخراجات مجموعی ملکی پیداوار کا 82 فیصد بنتے ہیں، جبکہ گھریلو اخراجات(جو بنیادی طور پر جاری اخراجات/ کے زمرے میں آتے ہیں)مجموعی ملکی پیداوار کا 9.94 فیصد ہیں(جو 2024 میں 8.86 فیصد تھے)۔(دوم)ملک کے اندر قرض لینے والا سب سے بڑا ادارہ حکومت ہے، نہ کہ نجی شعبہ ؛ بلکہ نجی شعبے کیلئے تو قرضوں کی فراہمی منفی رہی ہیاس سال جولائی تا ستمبر کے دوران یہ منفی 364 ملین روپے رہی، جبکہ گزشتہ سال اسی عرصے میں یہ منفی 1790 ملین روپے تھی۔بہرحال، اعداد و شمار کی ساکھ کے بارے میں بھی خدشات بڑھ رہے ہیں۔ اس تناظر میں، آئی ایم ایف نے پاکستان کو تکنیکی معاونت فراہم کی ہے، جس کا ذکر 10 اکتوبر 2024 کی دستاویزات میں کیا گیا ہے۔ ان دستاویزات کے مطابق، مجموعی ملکی پیداوار کے تقریبا ایک تہائی حصے سے متعلق بنیادی اعداد و شمار میں اہم خامیاں موجود ہیں، جبکہ گورنمنٹ فنانس اسٹیٹس ٹکس کی تفصیلات کی گہرائی اور قابلِ اعتماد ہونے کے حوالے سے بھی مسائل درپیش ہیں ۔ حکام ان کمزوریوں کو دور کرنے کو ترجیح دے رہے ہیں۔ اس سلسلے میں انہیں گورنمنٹ فنانس اسٹیٹس ٹکس اور پروڈیوسر پرائس انڈکس کی تیاری کیلئے آئی ایم ایف کی تکنیکی معاونت حاصل ہے۔ مزید برآں، پاکستان بیورو آف شماریاتجلد ہی چار بڑے سروے کیلئے فیلڈ ورک کا آغاز کرنے والا ہے، جو مالی سال 2026 کی بنیاد پر قومی کھاتوں کی نظرِ ثانی کے عمل کا حصہ ہوں گے TA کے PPI جزو کا مقصد پوری سپلائی چین میں قیمتوں کی تبدیلیوں کو ٹریک کرنا تھا – بشمول فارم گیٹ کی قیمتیں، سابقہ فیکٹری/مینوفیکچرنگ قیمتیں، اور ریٹیل لیولز، جو پرانے میٹرکس کو بدلیں یا بہتر بنائیں۔ تاہم، اس سال جون کے آخر تک اسے مکمل کرنے کیلئے مقرر کیا گیا تھا۔ تاہم آئی ایم ایف کے جائزے میں طریقہ کار اور ڈیٹا انضمام میں مطلوبہ اصلاحات پر تشویش کا اظہار کیا گیا جس کی وجہ سے اس کی تکمیل کی تاریخ اکتوبر 2026 تک موخر کردی گئی۔ اس بات کی کوئی سرکاری تصدیق نہیں ہوئی ہے کہ TA تسلی بخش طریقے سے مکمل ہو گیا ہے۔ تاہم آزاد معاشی ماہرین ڈیٹا کی سالمیت پر اپنی شدید تشویش کا اظہار کرتے ہیں۔اس بات کے زبردست شواہد موجود ہیں کہ مہنگائی میں اضافہ پیداوار میں اضافے کی حمایت نہیں کرتا، عالمی بینک کے مطابق خط غربت سے نیچے رہنے والے پاکستانیوں کی شرح 44.7 فیصد میں اضافے کا باعث ہے۔ حکومت کیلئے یہ ضروری ہے کہ وہ پالیسیاں شروع کرے جن کی بنیاد ٹرکل ڈان تھیوری پر نہ ہو ۔ مثال کے طور پر، امیر صنعت کاروں اور جاگیرداروں کو اس امید پر ترغیب دینا کہ پچھلی انتظامیہ کی طرح نچلی سطح پر بھی اسے محسوس کیا جائے گا، اور اس کے بجائے مزید جامع پالیسیوں پر توجہ مرکوز کرنا، جن کیلئے اندرون خانہ حل کی ضرورت ہوگی۔
پاک مالدیپ تعلقات
پاکستان اور مالدیپ کے درمیان 20 مفاہمت کی یادداشتوںپر دستخط دونوں ممالک کے مابین دیرینہ برادرانہ تعلقات کو مضبوط بنانے کی جانب ایک اہم قدم ہے۔ اگلے دو سالوں کے اندر دو طرفہ تجارت کو موجودہ 13.9 ملین ڈالر سے بڑھا کر 200 ملین ڈالر تک پہنچانے کا عزم، روایتی دوستی کو ایک زیادہ بامعنی معاشی شراکت داری میں بدلنے کی مشترکہ خواہش کی عکاسی کرتا ہے۔ تاہم، اس اقدام کی اصل کامیابی دستخط کیے گئے معاہدوں کی تعداد پر نہیں، بلکہ اس بات پر منحصر ہوگی کہ ان پر کتنی مثر طریقے سے عمل درآمد کیا جاتا ہے۔مالدیپ کے صدر ڈاکٹر محمد معیزو کا پاکستان کا سرکاری دورہ، جو کہ دونوں ممالک کے درمیان سفارتی تعلقات کے قیام کی 60 ویں سالگرہ کے موقع پر ہو رہا ہے، دو طرفہ تعاون کو نئی رفتار دینے کا ایک بہترین موقع ہے۔ دونوں ممالک روایتی سفارتی خیر سگالی سے آگے بڑھ کر اپنے تعلقات کو وسعت دے کر اور ایسے شعبوں کی تلاش کر کے بہت کچھ حاصل کر سکتے ہیں جہاں ان کی اپنی اپنی طاقتیں اور تجربات ایک دوسرے کیلئے معاون ثابت ہوں۔ اس شراکت داری کے مرکز میں تجارت اور سرمایہ کاری ہونی چاہیے۔ پاکستان زرعی مصنوعات، ادویات، طبی مہارت، تعلیمی مواقع اور تکنیکی خدمات فراہم کر سکتا ہے جبکہ مالدیپ سیاحت، ماہی گیری اور متعلقہ صنعتوں میں تعاون کے مواقع پیش کر سکتا ہے ۔ کاروباری اداروں کے مابین رابطوں کو بہتر بنانا، تجارتی وفود کی سہولت کاری اور برآمد کیلئے مخصوص مصنوعات کی نشاندہی کرنا، 200 ملین ڈالر کے اس پرعزم ہدف کو ایک حقیقت پسندانہ کامیابی میں بدلنے میں مددگار ثابت ہو سکتا ہے۔ ماحولیاتی تحفظ بھی تعاون کا ایک اور امید افزا شعبہ ہے۔ پاکستان، شجرکاری اور بڑے پیمانے پر درخت لگانے کے اقدامات میں اپنا تجربہ مالدیپ کے ساتھ بانٹ سکتا ہے۔ پاکستان کی جانب سے زیتون کی قلمیں اور بیج فراہم کرنے کی تجویز، عملی تعاون کی ایک خوش آئند مثال ہے۔ دونوں فریقین قابل تجدید توانائی، ویسٹ مینجمنٹ اور ساحلی تحفظ کے امور پر بھی مل کر کام کر سکتے ہیں۔ سب سے اہم بات یہ ہے کہ یہ 20 مفاہمت کی یادداشتیں محض سرکاری دستاویزات اور رسمی تصاویر تک محدود نہیں رہنی چاہئیں۔ باقاعدہ مشاورت، مشترکہ ورکنگ گروپس، عمل درآمد کیلئے واضح ٹائم لائنز(نظام الاوقات)اور وقتا فوقتا جائزہ لینا انتہائی ضروری ہے۔ حکومتوں کو نجی شعبے کی شرکت کی حوصلہ افزائی کرنی چاہیے اور یونیورسٹیوں، کاروباری اداروں، تکنیکی اداروں اور سول سوسائٹی کے درمیان رابطوں کو برقرار رکھنا چاہیے۔ پاکستان اور مالدیپ کے درمیان پہلے ہی باہمی احترام اور خیر سگالی موجود ہے۔ ان جذبات کو عملی تعاون میں ڈھال کر، دونوں ممالک ایک ایسی مضبوط اور زیادہ نتیجہ خیز شراکت داری قائم کر سکتے ہیں جو ان کے عوام کو ٹھوس فوائد پہنچائے۔