بانی سردار خان نیازی

🌤 Rawalpindi 20.9°C
Sunday, 22 November 2026 | پاکستان: 13 جمادی الثانی 1448
ایرانی ریال

ایرانی ریال کی قیمت میں اتار چڑھاؤ، پاکستان میں خرید و فروخت کا نیا ریٹ سامنے آگیا

Sunday, 22 November, 2026

ایرانی ریال کی قدر میں امریکی ڈالر، سعودی ریال، متحدہ عرب امارات کے درہم اور پاکستانی روپے کے مقابلے میں معمولی بہتری ریکارڈ کی گئی ہے جبکہ پاکستان کی اوپن مارکیٹ میں ایرانی کرنسی کی قیمت میں گزشتہ چند ماہ کے دوران نمایاں کمی دیکھی گئی ہے۔ سینٹرل بینک آف ایران (سی بی آئی) نے 19 نومبر 2026 کے لیے سرکاری یومیہ شرحِ تبادلہ جاری کردی ہے، جس کے مطابق مختلف عالمی کرنسیوں کے مقابلے میں ایرانی ریال کی قدر میں اضافہ ہوا ہے۔

جاری کردہ اعداد و شمار کے مطابق امریکی ڈالر کی شرحِ تبادلہ 19 نومبر کو 19 لاکھ 36 ہزار 329 ایرانی ریال مقرر کی گئی جبکہ 18 نومبر کو یہ شرح 19 لاکھ 32 ہزار 464 ریال تھی۔ اسی طرح سعودی ریال کی قدر بھی گزشتہ روز کے 5 لاکھ 15 ہزار 324 ریال سے بڑھ کر 5 لاکھ 16 ہزار 354 ریال ہوگئی جبکہ متحدہ عرب امارات کے درہم کی شرح 5 لاکھ 26 ہزار 199 ریال سے بڑھ کر 5 لاکھ 27 ہزار 251 ریال ریکارڈ کی گئی۔ پاکستانی روپے کے مقابلے میں بھی ایرانی ریال کی قدر میں معمولی اضافہ ہوا ہے، سینٹرل بینک آف ایران کے مطابق 100 پاکستانی روپے کی سرکاری شرحِ تبادلہ 7 لاکھ 140 ایرانی ریال مقرر کی گئی، جو ایک روز قبل 6 لاکھ 98 ہزار 900 ریال تھی، اس حساب سے ایک پاکستانی روپیہ تقریباً 7 ہزار 1 ایرانی ریال کے برابر ہے۔

تبصرے (0)

0 کل تبصرے

اپنا تبصرہ لکھیں

Leave a Reply

Your email address will not be published. Required fields are marked *