جماعت اسلامی کی مرکزی کونسل نے امیر سراج الحق کا استعفیٰ مسترد کر دیا۔جماعت اسلامی کے ترجمان قیصر شریف کی جانب سے جاری بیان میں کہا گیا ہے کہ جماعت کی مرکزی مجلس شوریٰ نے متفقہ طور پر سراج الحق کا بطور امیر جماعت استعفیٰ مسترد کر دیا ہے۔قیصر شریف نے کہا کہ مرکزی مجلس شوریٰ نے جماعت اسلامی کے امیر سراج الحق پر مکمل اعتماد کا اظہار کرتے ہوئے کہا ہے کہ جماعت اسلامی آئین کے مطابق اپنی ذمہ داریاں ادا کرتی رہے گی۔ترجمان جماعت اسلامی کا کہنا ہے کہ مجلس شوریٰ کا اجلاس بھی جماعت اسلامی کے امیر سراج الحق کی زیر صدارت شروع ہوگیا ہے اور سراج الحق اس سے خطاب بھی کریں گے۔
