شیخوپورہ کے قریب کار کی موٹر سائیکل کو ٹکر کے نتیجے میں 5 افراد جاں بحق۔ریسکیو حکام کے مطابق حادثہ پنجاب کے ضلع شیخوپورہ کے گاں پنڈور کے قریب تیز رفتاری کے باعث پیش آیا جس میں بچوں سمیت 5 افراد جان کی بازی ہار گئے جب کہ ایک بچی زخمی ہوگئی۔جاں بحق ہونے والوں میں باپ اور چار بچے شامل ہیں جن کی شناخت شہزاد، فائزہ، مہک، سفیان اور فیضان کے نام سے ہوئی ہے۔ریسکیو حکام کا کہنا ہے کہ لاشوں اور زخمی لڑکی کو اسپتال منتقل کردیا گیا، حادثے کے بعد کار ڈرائیور موقع سے فرار ہوگیا۔
