ایشیا کپ 2025 بھارت کے بجائے یو اے ای میں کروانے کی تجویز

ایشیا کپ 2025 بھارت کے بجائے متحدہ عرب امارات (یو اے ای)میں کروانے کی تجویز سامنے آئی ہے۔ کرکٹ ویب سائٹ کے مطابق ایشیا کپ رواں سال بھارت میں شیڈول ہے، ٹورنامنٹ مجوزہ طور پر ستمبر میں یو اے ای میں کروانے کا قوی امکان ہے۔رپورٹ کے مطابق ایشیا کپ کی میزبانی بھارت کے پاس ہے، جبکہ بھارت اور پاکستان کے درمیان سیاسی تنا کے باعث ایشیا کپ نیوٹرل وینیو پر کروائے جانے کا امکان ہے۔کرکٹ ویب سائٹ کے مطابق وینیو کا حتمی فیصلہ ایشین کرکٹ کونسل کرے گی۔رپورٹ میں کہا گیا کہ ایشیا کپ کے میچز کروانے کیلئے اس وقت سری لنکا اور یو اے ای زیرِ غور ہیں۔ دونوں وینیوز میں سے کسی ایک کو حتمی شکل نہیں دی جاسکی۔ایشیا کپ ٹی ٹوئنٹی فارمیٹ میں کھیلا جائے گا، رواں سال ہونے والے ایشیا کپ میں دو ہفتے تک 19 میچز کھیلے جائیں گے، ایشیا کپ میں پاکستان اور بھارت سمیت آٹھ ٹیمیں شریک ہوں گی۔