میں نے خود فیلڈ میں جاکر اینٹوں کے بھٹے گرائے ، مریم اورنگزیب

پنجاب کی سینئر وزیر مریم اورنگزیب نے کہا ہے کہ دفتروں میں بیٹھ کر احکامات نہیں دے رہے، میں نے خود فیلڈ میں جا کر اینٹوں کے بھٹے گرائے۔ گفتگو کرتے ہوئے انہوں نے کہا کہ ہم نے مارچ سے ہی اسموگ سے متعلق اقدامات شروع کر دیے تھے۔مریم اورنگزیب نے کہا کہ تمام سیکٹرز کو اسموگ کی روک تھام سے متعلق روڈ میپ دیا گیا، اس سے پہلے حکومتی سطح پر اسموگ سے متعلق اتنا کام ہی نہیں ہوا تھا۔ن لیگی رہنما نے کہا کہ اسموگ کی روک تھام طویل عمل ہے، وزیرِ اعلی پنجاب کا ویژن ہے کہ لاہور میں تمام گاڑیاں الیکٹرک میں تبدیل کریں۔مریم اورنگزیب نے یہ بھی کہا کہ لاہور میں 200 سے 250 الیکٹرک بسیں چلنی چاہئیں۔