کراچی میں پی ایم ڈی سی کا ٹیسٹ امیدواروں کے لیے ڈرانا خواب بن گیا

کراچی میں پاکستان میڈیکل اینڈ ڈینٹل کونسل (پی ایم ڈی سی)کا ٹیسٹ امیدواروں کے لیے ڈرانا خواب بن گیا، سینکڑوں میٹر لمبی قطاریں لگ گئیں۔ ٹیسٹ صبح 10 بجے ہوگا لیکن صبح 7 بجے سے ہی مناسب انتظامات نہ ہونے کی وجہ سے جامعہ این ای ڈی اور اوجھا کیمپس میں قطاریں لگ گئیں۔لوگوں نے اپنی گاڑیاں سڑکوں پر کھڑی کر دیں جس سے ٹریفک جام ہو گیا۔ ڈا یونیورسٹی کی جانب سے امیدواروں کو گیٹ پر ایک ایک کرکے داخلے کی اجازت دینے سے صورتحال مزید خراب ہوگئی ہے۔قطاروں میں داخل ہونے کے چکر میں طلبا اور والدین کے درمیان تلخ کلامی اور تکرار کا سلسلہ جاری ہے۔ طلبا کے مطابق وہ ڈیڑھ گھنٹے سے لائن میں کھڑے ہیں، شدید گرمی کے باعث ان کی حالت مزید خراب ہو گئی ہے۔ دوسری جانب پی ایم ڈی سی کے صدر ڈاکٹر تاج نے بھی صورتحال کا نوٹس لیتے ہوئے ڈا یونیورسٹی کے وائس چانسلر سے فون پر بات کی اور امتحانی مراکز میں امیدواروں کے جلد اور بروقت داخلے کو یقینی بنانے کی ہدایت کی۔