جسٹس منصور علی شاہ کی مخصوص بینچ میں بیٹھنے سے معذرت

سپریم کورٹ کے جج جسٹس منصور علی شاہ نے مخصوص بینچ میں بیٹھنے سے معذرت کر لی۔جسٹس منصور علی شاہ نے چیف جسٹس کو خط لکھ کر معذرت کی ہے۔جسٹس منصور علی شاہ نے نیا خط 23 اکتوبر کو لکھا تھا۔خط میں انہوں نے کہا کہ پہلے بھی لکھا تھا ترمیمی آرڈیننس پر فل کورٹ بیٹھنے تک خصوصی بینچز کا حصہ نہیں بنوں گا۔انہوں نے کہا کہ عوام ہمارے اعمال کو دیکھ رہے ہیں اور تاریخ کبھی معاف نہیں کرتی۔جسٹس منصور علی شاہ کے خط میں سر تھامس مور کے الفاظ بھی لکھے گئے ہیں۔پریکٹس اینڈ پروسیجر کمیٹی کے سربراہ کی حیثیت سے چیف جسٹس کو خط لکھا گیا ہے۔