راولپنڈی، اسلام آباد، کراچی سمیت کئی شہروں میں ڈینگی پھیلنے کی وارننگ جاری ہے

محکمہ موسمیات نے ملک کے کئی شہروں میں ڈینگی پھیلنے کی وارننگ جاری کر دی ہے۔محکمہ موسمیات کے مطابق درجہ حرارت 16 سے 26 ڈگری سینٹی گریڈ کے درمیان ہے، ڈینگی پھیلنے کا خطرہ ہے، اکتوبر میں بارش سے ڈینگی پھیلنے کا خطرہ ہے۔محکمہ موسمیات کا کہنا ہے کہ ڈینگی راولپنڈی اور اسلام آباد سمیت بڑے شہروں میں خطرناک حد تک پھیل سکتا ہے۔ڈینگی لاہور، کراچی، حیدرآباد، فیصل آباد، ملتان اور سیالکوٹ میں بھی پھیل سکتا ہے۔محکمہ موسمیات کے مطابق عوام سے اپیل ہے کہ انسداد ڈینگی مہم میں انتظامیہ سے تعاون کریں۔واضح رہے کہ گزشتہ دنوں پنجاب میں ڈینگی کے کیسز میں اضافہ دیکھا گیا تھا۔