عظمیٰ بخاری کی فیک ویڈیو ، فلک جاوید کے شوہر نے سم فرنچائز سیل کرنا چیلنج کردیا

پنجاب کی وزیر اطلاعات عظمی بخاری کی جعلی ویڈیو کیس کے ملزم فلک جاوید کے شوہر شکیل ریاض نے سم کی فرنچائز سیل کرنے کے اقدام کو لاہور ہائیکورٹ میں چیلنج کر دیا۔شکیل ریاض نے اظہر صدیق ایڈووکیٹ کی ثالثی سے عدالت میں درخواست دائر کی۔شکیل ریاض نے درخواست میں موقف اختیار کیا کہ ایف آئی اے نے غیر قانونی طور پر فرنچائز پر چھاپہ مارا۔درخواست میں مزید لکھا گیا ہے کہ میرے خاندان کو سیاسی انتقام کا نشانہ بنایا جا رہا ہے۔درخواست میں استدعا کی گئی ہے کہ عدالت فرنچائز کو ڈی سیل کرنے کا حکم دے۔