فیلڈ مارشل کے حوالے سے بیان پر دلی افسوس ہے، نثارکھوڑو

پاکستان پیپلز پارٹی کے سینئر رہنما نثار کھوڑو نے فیلڈ مارشل کے حوالے سے گزشتہ روز دیے گئے اپنے بیان پر افسوس کا اظہار کیا ہے۔

اپنے ایک بیان میں نثار کھوڑو نے کہا کہ فیلڈ مارشل کے حوالے سے گزشتہ روز ان کا بیان اپنے مفہوم کے اعتبار سے غیر ارادی تھا، انہیں اس بیان پر دلی طور پر افسوس ہے۔

انہوں نے کہا کہ وہ ادارے کے وقار کا بہت زیادہ احترام کرتے ہیں۔ نثار کھوڑو نے کہا کہ انہیں افسوس ہے کہ ان کے الفاظ سے کوئی غلط فہمی پیدا ہوئی ہو۔