مسجد الحرام اور مسجد نبوی کا فرش شدید گرمی میں بھی ٹھنڈا کیوں؟

مسجد الحرام اور مسجد نبوی دنیا بھر سے آنیوالے عازمین حج وعمرہ کو صدیوں سے خوش آمدید کہتی آرہی ہیں ان دنوں مساجد کی دلچسپ اور حیریت انگیز بات یہ ہے کہ سخت گرمی میں بھی ان کا چمکتا سفید سنگ مرمر سے بنا فرش ٹھنڈا رہتاہے اس حوالے سے کچھ لوگوں کا دعویٰ ہے کہ یہ فرش نیچے چھپے ہوئے ٹھنڈ ے پانی کے پائپوں کی وجہ سے شدید گرمی میں بھی ٹھنڈا رہتا ہے جبکہ اصل وجہ ان مساجد کی تعمیراتی سامان کا منفرد انتخاب ہے ۔ان مساجد کی تعمیر میں استعمال کیے گئے بحیرہ ایجیئن میں کاوالا کے قریب مشرقی یونانی جزیرے تھا سوس کے سنگ مرمر میں ایک نایاب صلاحیت موجود ہے ، یہ سنگ مرمر اپنی خالص سفید ظاہری شکل اور روشنی کی اعلیٰ عکاسی کی وجہ سے بہت کم گرمی کو اپنے اندر جذب کرتا ہے اور اسی لیے مسجد الحرام اور مسجد نبوی کا فرش شدید گرمی میں بھی ٹھنڈا رہتا ہے