پاکستان میں سیلاب متاثرین کی امداد سے متعلق چینی سفارتخانے کی جانب سے جاری بیان میں کہا گیا ہے کہ مصیبت کی اس گھڑی میں چین پاکستان کے ساتھ کھڑا ہے ۔
چینی سفارتخانے کے ٹوئٹر اکاؤنٹ پر جاری بیان میں کہا گیا ہے کہ مصیبت کے وقت سچا دوست ہی دوست کے کام آتا ہے ۔ چین نے سیلاب زدگان کیلئے 90.2 ملین ڈالر کی امداد کی جس میں چینی حکومت نے 400 ملین یو آن ، چینی فوج نے 100 ملین ، چینی عوام نے 125 ملین جبکہ سفارتخانے نے 17 ملین یو آن امداد دی ۔ اس کے علاوہ چینی ریڈ کراس سوسائٹی نے 201 ملین یو آن امداد دی ۔ واضح رہے کہ اس سے قبل وزیراعظم شہباز شریف نے چین کے قومی دن پر چینی قیادت اور عوام کو مبارکباد پیش کرتے ہوئے کہا تھا کہ معیاری کام ، اصول پسندی اور بہترین نظم وضبط پر چین کا بڑا حامی ہوں ۔
دوسری جانب سماجی رابطے کی ویب سائٹ ٹوئٹر پر اپنے جاری کردہ پیغام میں وزیراعظم شہبازشریف نے چینی قیادت اورعوام کو مبارکباد دیتے ہوئے لکھا کہ چین نے کم عرصے میں معاشی طور پر ملک کو مضبوط کیا، پرامن اور مستحکم چین دنیا کی دوسری بڑی معیشت ہے۔
جاری کردہ ٹوئٹ میں وزیراعظم شہباز شریف لکھتے ہیں کہ چین نے موسمیاتی تبدیلی سے نمٹنے کے لیے موثر اقدامات کی یقین دہانی کرائی ہے، معیاری کام ،اصول پسندی اور بہتر ین نظم و ضبط پر چین کا بڑا حامی ہوں۔
انہوں نے مزید کہا کہ بہترین اصولوں سے چین نے اپنی قوم کو غربت سے نکالا، ہمیں بھی کام کام اور صرف کام کرکے ہی موجودہ بحرانوں سے نکلنا ہوگا۔
پاکستان
دنیا
مصیبت میں سچادوست ہی دوست کے کام آتا ہے، چین کا بڑی امداد کا اعلان
- by Daily Pakistan
- اکتوبر 1, 2022
- 0 Comments
- Less than a minute
- 667 Views
- 2 سال ago
![مصیبت میں سچادوست ہی دوست کے کام آتا ہے، چین کا بڑی امداد کا اعلان](https://dailypakistan.pk/wp-content/uploads/2022/10/1000.jpg)