میلبرن (آسٹریلیا): آج میلبرن میں پاکستانی قونصل خانے کے سامنے اوورسیز کشمیریوں اور کشمیر کمیونٹی کی جانب سے ایک پُرامن احتجاجی مظاہرہ منعقد کیا گیا۔ احتجاج کا مقصد کشمیر میں عوام کے خلاف ہونے والے تشدد، نہتے شہریوں کی ہلاکتوں اور انسانی حقوق کی سنگین خلاف ورزیوں کے خلاف آواز بلند کرنا اور عالمی برادری کی توجہ کشمیر کی موجودہ صورتحال کی جانب مبذول کروانا تھا۔
مظاہرے میں مختلف شعبہ ہائے زندگی سے تعلق رکھنے والے کشمیریوں نے شرکت کی، جبکہ جموں کشمیر نیشنل سٹوڈنٹس فیڈریشن (JKNSF) کے ممبر عنصر لیاقت نے بھی بھرپور شرکت کرتے ہوئے کشمیری عوام کے حقِ خودارادیت، انسانی حقوق اور جمہوری آزادیوں کے حق میں آواز بلند کی۔ انہوں نے کہا کہ دنیا بھر میں مقیم کشمیری اپنے عوام کے دکھ درد میں برابر کے شریک ہیں اور ہر فورم پر ان کے حقوق کے لیے جدوجہد جاری رکھیں گے۔
مظاہرین نے کشمیر میں جاری جبر، استحصال اور بنیادی انسانی حقوق کی پامالیوں کی شدید مذمت کرتے ہوئے مطالبہ کیا کہ ذمہ دار عناصر کا شفاف احتساب کیا جائے، عوام کے جان و مال کے تحفظ کو یقینی بنایا جائے اور کشمیریوں کو ان کے بنیادی انسانی، سیاسی اور جمہوری حقوق فراہم کیے جائیں۔
اس موقع پر پاکستانی قونصل خانے میں ایک یادداشت (Memorandum) بھی پیش کی گئی، جس میں مطالبہ کیا گیا کہ کشمیری عوام کے بنیادی حقوق کو یقینی بنایا جائے، جاری ظلم و جبر کا فوری خاتمہ کیا جائے اور مسائل کے پائیدار اور پرامن حل کے لیے جوائنٹ عوامی ایکشن کمیٹی (JKAAC) کے ساتھ مذاکراتی عمل کو دوبارہ شروع کیا جائے۔ یادداشت میں یہ مطالبہ بھی شامل تھا کہ حالیہ واقعات اور انسانی حقوق کی خلاف ورزیوں کی تحقیقات کے لیے ایک آزاد اور غیر جانبدار انکوائری کمیشن تشکیل دیا جائے تاکہ حقائق عوام کے سامنے لائے جا سکیں اور انصاف کے تقاضے پورے ہوں۔
احتجاج کے دوران ایک مقامی کونسلر نے بھی شرکت کی اور کشمیر کمیونٹی کے مطالبات کی حمایت کرتے ہوئے انسانی حقوق کی خلاف ورزیوں، تشدد اور جبر کی واضح الفاظ میں مذمت کی۔ انہوں نے اس بات پر زور دیا کہ مسائل کا حل طاقت یا تشدد میں نہیں بلکہ مکالمے، انصاف اور عوامی حقوق کے احترام میں مضمر ہے۔
اس موقع پر عنصر لیاقت نے کہا کہ اگرچہ میلبرن میں کشمیری کمیونٹی کی تعداد زیادہ نہیں، لیکن ان کے حوصلے بلند ہیں۔ انہوں نے جوائنٹ عوامی ایکشن کمیٹی اور کشمیر کے عوام کے ساتھ مکمل یکجہتی کا اظہار کرتے ہوئے کہا کہ دنیا کے کسی بھی کونے میں رہنے والے کشمیری اپنے عوام کی آواز بن کر ان کے حقوق، عزت اور بہتر مستقبل کے لیے جدوجہد جاری رکھیں گے۔
احتجاج کا اختتام کشمیری عوام کے ساتھ اظہارِ یکجہتی اور ان کے بنیادی حقوق کے حصول کے عزم کے اعادہ کے
تبصرے (0)
اپنا تبصرہ لکھیں