نئے پلاسٹک نوٹ کے پلان پر آئی ایم ایف کو بریفنگ دی جائے گی

آئی ایم ایف کو سرکاری اداروں کی کارکردگی بہتر بنانے، نجکاری اور جعلی کرنسی پر قابو پانے کے لیے پلاسٹک کے نئے نوٹ جاری کرنے کے منصوبے پر آج بریفنگ دی جائے گی۔پاکستان اور آئی ایم ایف مشن حکام کے درمیان مذاکرات آج بھی جاری رہیں گے۔ذرائع کے مطابق آئی ایم ایف حکام کو ایف بی آر اصلاحات، ٹیکس وصولی اور دیگر امور پر بریفنگ دی جائے گی۔ذرائع کا کہنا ہے کہ اسٹیٹ بینک کی جانب سے پلاسٹک کے نئے نوٹ جاری کرنے کے منصوبے، رواں مالی سال ٹیکس وصولی میں کمی کے لیے مزید فوری اقدامات پر بھی بریفنگ دی جائے گی۔ذرائع کے مطابق آئی ایم ایف کو اقوام متحدہ کے انسداد بدعنوانی کنونشن کے تحت ملکی رپورٹس جاری کرنے پر بھی بریفنگ دی جائے گی۔