ڈی آئی خان حملے میں شہید اہلکاروں کی نماز جنازہ ادا

دہشت گردوں کے حملے میں شہید پولیس اہلکاروں کی نماز جنازہ ڈیرہ اسماعیل خان میں ادا کر دی گئی۔نماز جنازہ میں نگران وزیراعلیٰ، اعلیٰ سول و عسکری حکام نے شرکت کی۔ واقعے کا مقدمہ انسداد دہشت گردی کی دفعات کے تحت سی ٹی ڈی تھانے میں درج کر لیا گیا ہے۔ایف آئی آر کے مطابق 30 دہشت گردوں نے تھانے پر حملہ کیا، دہشت گردوں نے تھانے پر چاروں اطراف سے حملہ کیا۔پولیس اہلکاروں کی دہشت گردوں کے ساتھ 2 گھنٹے تک جوابی فائرنگ جاری رہی، پولیس کی جوابی فائرنگ کے بعد دہشت گرد فرار ہوگئے۔واضح رہے کہ اتوار کی شب تھانے پر حملے میں 10 پولیس اہلکار شہید اور 9 زخمی ہوگئے تھے۔