کمشنر راولپنڈی کے معاملہ پر اعلیٰ تحقیقاتی کمیٹی بنی ہے ، اداروں پر اعتماد کریں ، مرتضیٰ سولنگی

مرتضیٰ سولنگی نے کہا ہے کہ کمشنر راولپنڈی کیس میں اعلیٰ سطح کی تحقیقاتی کمیٹی بنا دی گئی ہے، الیکشن کمیشن بھی اس معاملے پر کارروائی کر رہا ہے۔نگراں وفاقی وزیر اطلاعات مرتضیٰ سولنگی نے میڈیا سے گفتگو کرتے ہوئے کہا کہ نگراں حکومت نے اپنی ذمہ داری پوری کر دی ہے۔مرتضیٰ سولنگی کا کہنا تھا کہ ہمیں اپنے اداروں اور نظام پر اعتماد کرنا چاہیے، قانونی کارروائی چل رہی ہے تو انتظار کرنا چاہیے۔آئین اور قانون کے مطابق الیکشن کمیشن انتخابی امیدواروں کی فہرست جاری کرتے ہی وزارت پارلیمانی امور قومی اسمبلی کا اجلاس بلانے کی سمری وزیراعظم کو بھجوائے گی۔ان کا مزید کہنا تھا کہ صدر مملکت سے قومی اسمبلی کا اجلاس بلانے کی درخواست کی جائے گی۔