نگراں وزیر خارجہ کا ایرانی ہم منصب سے رابطہ،یکطرفہ اقدامات سے علاقائی امن و استحکام کو نقصان پہنچ سکتا ہے، حملے کی شدید مذمت

نگراں وزیر خارجہ کا ایرانی ہم منصب سے رابطہ، حملے کی شدید مذمت ایران کے وزیر خارجہ کا نگراں وزیر خارجہ جلیل عباس جیلانی سے ٹیلی فونک رابطہ ہوا۔ترجمان دفتر خارجہ کے مطابق ایران کا پاکستانی سرزمین پر حملہ پاکستان کی خودمختاری کی سنگین خلاف ورزی ہے، حملہ بین الاقوامی قوانین اور دوطرفہ تعلقات کی روح کی بھی خلاف ورزی ہے۔ترجمان دفتر خارجہ کا کہنا تھا کہ نگراں وزیر خارجہ نے حملے کی شدید مذمت کی، ان کا کہنا تھا کہ اس واقعے سے پاکستان اور ایران کے تعلقات کو شدید نقصان پہنچا ہے، پاکستان اس اشتعال انگیز کارروائی کا جواب دینے کا حق محفوظ رکھتا ہے۔ترجمان دفتر خارجہ کے مطابق دہشت گردی خطے کے لیے مشترکہ خطرہ ہے، یکطرفہ اقدامات سے علاقائی امن و استحکام کو شدید نقصان پہنچ سکتا ہے۔