اسلام آباد ہائیکورٹ ،پی ٹی آئی اراکین اسمبلی کا 8 روزہ جسمانی ریمانڈ کالعدم قرار

اسلام آباد ہائی کورٹ نے پی ٹی آئی کے گرفتار ارکان کا 8 روزہ جسمانی ریمانڈ کالعدم قرار دے دیا۔ چیف جسٹس عامر فاروق اور جسٹس تھمن رفعت امتیاز پر مشتمل ڈویژن بنچ نے پی ٹی آئی کے جلسے کے بعد دائر مقدمات اور گرفتاریوں کے سلسلے میں گرفتار رہنماں کے جسمانی ریمانڈ کے فیصلے کو کالعدم قرار دینے کی درخواستوں کی سماعت کی۔اس موقع پر پراسیکیوٹر جنرل عدالت میں پیش ہوئے۔چیف جسٹس عامر فاروق نے کہا کہ ہاں ریاست آ گئی ہے، جسمانی ریمانڈ کے تمام احکامات ایک جیسے ہیں، ریاست جواب دے کہ ایسا کیا ہوا کہ آٹھ، آٹھ دن کا جسمانی ریمانڈ دیا گیا، یہ ایسا عمل ہے جس کی کوئی مثال نہیں ملتی۔پراسیکیوٹر جنرل کی ایف آئی آر پڑھنے پر چیف جسٹس اسلام آباد ہائی کورٹ نے دلچسپ ریمارکس دیتے ہوئے کہا کہ اس ایف آئی آر کا مصنف بھی دلچسپ ہے، کیا اسلام آباد پولیس ہے یا رضیہ غنڈوں کے درمیان پکڑی گئی ہے، کریڈٹ دینا ہوگا کہ طویل عرصے بعد۔ اچھی کامیڈی دیکھی گئی، جس نے یہ ایف آئی آر لکھی اس نے اچھی کامیڈی لکھی۔