لاہور میں فضائی آلودگی ، اسکول کھلنے کا وقت تبدیل

لاہور میں فضائی آلودگی کے باعث سکول کھلنے کا وقت تبدیل کر دیا گیا ہے۔اس حوالے سے جاری کردہ نوٹیفکیشن کے مطابق اسکول صبح 8 بجکر 45 منٹ پر بچوں کے لیے کھلیں گے، اسکول کھلنے کا نیا وقت 28 اکتوبر سے 31 جنوری 2025 تک ہوگا۔نوٹیفکیشن کے مطابق بچوں کی اسمبلی کلاس روم میں ہوگی اور آٹ ڈور سرگرمیاں معطل کرنے کی ہدایت کی گئی ہے۔لاہور میں 31 جنوری 2025 تک ہر قسم کی آتشبازی پر سخت پابندی ہوگی۔نوٹیفکیشن میں کہا گیا ہے کہ عوام اسموگ سے بچنے کے لیے ماسک اور دیگر حفاظتی تدابیر اختیار کریں، گھروں کی کھڑکیاں، دروازے بند رکھیں اور زیادہ دیر کھلی جگہوں پر نہ رہیں۔