آئی ٹی ایف سی، آئی ڈی بی اور ایس سی بینک سے 1.75 ارب ڈالر قرض کی درخواست

اسلامک ٹریڈ فنانس کارپوریشن، آئی ڈی بی اور ایس سی بینک سے 1.75 ارب ڈالر قرض کی درخواست کر دی گئی۔ذرائع کے مطابق آئی ٹی ایف سی، آئی ڈی بی اور ایس سی بینک سے کموڈیٹی اور کمرشل قرض حصول کیلئے درخواست کی گئی ہے، اسلامک ٹریڈ فنانس کارپوریشن سے 40 کروڑ ڈالر قرض کموڈیٹی خریداری کیلئے لیا جا سکے گا۔ذرائع کا کہنا ہے کہ اسلامک ڈویلپمنٹ بینک سے 35 کروڑ ڈالر پراجیکٹ فنانسنگ کیلئے درخواست کی گئی ہے، سٹینڈرڈ چارٹرڈ سے 1 ارب ڈالر کیلئے انفراسٹکچر ڈویلپمنٹ و دیگر سورسز کی مد میں لیا جائے گا۔ان کمرشل بینکوں سے قرض لانگ ٹرم کیلئے تقریبا 5 فیصد شرح سود پر لیا جا سکتا ہے، آئی ایم ایف کیساتھ قرض منظوری کیلئے کمرشل بینکوں سے زیادہ شرح سود پر قرض لیا جائے گا، وزارت خزانہ حکام تینوں بینکوں سے قرض لینے کیلئے رابطے میں ہیں۔وزارت خزانہ کے ذرائع کا مزید کہنا ہے کہ سعودی عرب کیساتھ مخر ادائیگیوں پر آئل فیسلیٹی کیلئے بھی کوشیشں جاری ہیں، سعودی عرب کیساتھ ادھار تیل کی سہولت حاصل کرنے کیلئے معاہدہ تعطل کا شکار ہے جبکہ وزارت خزانہ فنانسنگ گیپ پورا کرنے کیلئے 4 سورسز سے ارینجمنٹ کیلئے کوشیشں کر رہی ہے۔