سابق امریکی صدر ٹرمپ کے 2016 کی انتخابی مہم میں امریکی اداکارہ کو رقم دینے کے معاملے پر نیویارک کی عدالت میں سابق صدر ٹرمپ پر پیر یا بدھ کو فرد جرم عائد کی جاسکتی ہے۔ میڈیا رپورٹ کے مطابق نیویارک مین ہیٹن کی عدالت کے اطراف سخت سیکیورٹی انتظامات کیے جا رہے ہیں۔ نیویارک کے میئر ایرک ایڈمز نے سیکیورٹی انتظامات کو معمول کی کارروائی قرار دیا ہے۔میڈیا رپورٹ کے مطابق شہر میں کوئی نامناسب کارروائی نہ ہونے کو یقینی بنانے کے اقدامات کیے جا رہے ہیں۔ ٹرمپ نے اپنی گرفتاری یا فرد جرم کی صورت میں حامیوں کو احتجاج کی کال دی ہوئی ہے۔ میڈیا رپورٹ کے مطابق ٹرمپ کا کیس کسی بھی موجودہ یا سابق امریکی صدر پر مجرمانہ الزام کا امریکی تاریخ کا یہ پہلا کیس ہوگا۔
تبصرے (0)
اپنا تبصرہ لکھیں