میانوالی کے تھانہ واں بھچراں کے ایس ایچ اوسب انسپکٹر محمد فواد علی شیرازی اور انکی ٹیم نے مرغوں کی لڑائی پر جواء کھیلنے والوں پر ریڈ کرکے 3 جواریوں کو قابو میں کرکے داؤ پر لگی رقم 10960 روپے،چار مرغ، دو موبائل فون قبضے میں لے لیے اور ملزمان کو گرفتار کرکے ان پر مقدمہ درج کر لیا۔ایک اور کاروائی میں دوران چیکنگ محمد حسنین سکنہ واں بھچراں سے موٹر سائیکل چیک کیا جو ضلع خوشاب کے تھانہ جوہرآباد کے موٹر سائیکل چوری کے مقدمہ میں مال مسروقہ تھا۔ ملزم کو گرفتار کرکے چوری شدہ موٹر سائیکل قبضہ میں لے کر مزید تفتیش کی جارہی ہے۔ایک اور کاروائی میں فراڈ کے مقدمہ میں مطلوب عدالتی مفرور محمد اصغر کو گرفتار کرلیاگیا۔
