گاوسکر بھاگتے ہوئے دھونی کے پاس آٹوگراف لینے پہنچ گئے

چنئی: سابق بھارتی کپتان سنیل گاوسکر بھاگتے ہوئے مہندرا سنگھ دھونی کے پاس آٹوگراف لینے پہنچ گئے۔چنئی سپر کنگز کے کولکتہ نائٹ رائیڈرز سے میچ کے بعد کمنٹری ٹیم میں شامل گاوسکر تیزی سے دھونی کی جانب بڑھے اور اپنی شرٹ پر ہی ان سے آٹوگراف دینے کی درخواست کردی، جس کو سابق ورلڈ کپ فاتح کپتان فوراً ہی پورا کرنے کو تیار ہوگئے۔دھونی کے گاوسکر کی شرٹ پر آٹوگراف دینے کی ویڈیو فوراً ہی وائرل ہوگئی، جس پر شائقین کی جانب سے محبت کا اظہار کیا جارہا ہے۔اس مقابلے میں سپر کنگز کو اپنے گرائونڈ پر کولکتہ نائٹ رائیڈرز کے ہاتھوں 6 وکٹ سے شکست برداشت کرنا پڑی تھی۔