ریحان طاہر کی شاندار کامیابی پر اذان علی خان کو خراجِ تحسین
اسٹاف رپورٹر
پشاور : ابھرتے ہوئے باصلاحیت اسکواش کھلاڑی اذان علی خان نے پشاور میں منعقدہ چوتھی قمر زمان آل پاکستان نیشنل جونیئر اسکواش چیمپئن شپ 2026 میں اپنی کیٹیگری میں شاندار کارکردگی کا مظاہرہ کرتے ہوئے ٹائٹل اپنے نام کر لیا۔
اذان علی خان نے پورے ٹورنامنٹ کے دوران مسلسل عمدہ کھیل، مضبوط تکنیک اور بہترین ذہنی صلاحیتوں کا مظاہرہ کیا اور ملک بھر سے آنے والے باصلاحیت جونیئر کھلاڑیوں کے خلاف سنسنی خیز مقابلوں کے بعد کامیابی حاصل کی۔
یہ چیمپئن شپ خیبر پختونخوا اسکواش ایسوسی ایشن کی نگرانی میں ایکسٹریم لیب کے تعاون سے منعقد کی گئی، جس میں پاکستان کے مختلف علاقوں سے ابھرتے ہوئے کھلاڑیوں نے شرکت کی۔
اذان علی خان کی شاندار فتح پر ریحان طاہر نے انہیں مبارکباد پیش کرتے ہوئے فیڈریشن کی کاوشوں کو سراہا۔ ان کا کہنا تھا کہ اس طرح کے ایونٹس ملک بھر سے چھپی ہوئی صلاحیتوں کو سامنے لانے میں اہم کردار ادا کرتے ہیں۔
انہوں نے مزید کہا، “ہم فیڈریشن کے شکر گزار ہیں کہ وہ ایسے پلیٹ فارمز فراہم کر رہی ہے جہاں سے اصل ہیرے سامنے آتے ہیں۔ ہم ہمیشہ کھیلوں کے فروغ کے لیے اپنا تعاون جاری رکھیں گے اور ان شاء اللہ یہ نوجوان کھلاڑی ہمارے مستقبل کے قیمتی اثاثے ہیں۔”
اذان علی خان کی یہ کامیابی پاکستانی جونیئر اسکواش کے روشن مستقبل کی نوید ہے۔
