دارالحکومت اسلام آباد پرپی ٹی آئی کی ممکنہ چڑھائی کو روکنے کے لیئے وزارت داخلہ میں اہم اجلاس جاری وفاقی وزیر داخلہ رانا ثناءاللہ خان اجلاس کی صدارت کررہے ہیں اجلاس میں پی ٹی آئی کے ممکنہ لانگ مارچ اور دھرنے کو روکنے سے متعلق حکمت عملی کو حتمی شکل دی جارہی ہے وزیر داخلہ رانا ثناءاللہ کا اجلاس کی کاروائی کو ان کیمرا رکھنے کا فیصلہ اجلاس میں سیکرٹری داخلہ یوسف نسیم کھوکھر، کمانڈنٹ ایف سی صلاح الدین محسود،آئی جی اسلام آباد ڈاکٹر اکبر ناصر، کمانڈر رینجرز اسلام آباد شرکت کررہے ہیں۔ اجلاس میں چیف کمشنراسلام آباد عثمان یونس، ڈی آئی جی آپریشنز سہیل ظفر چٹھہ ،ڈپٹی کمشنر اسلام آباد عرفان میمن شریک ہیں۔ اجلاس میں سکیورٹی ایجنسیز اور دیگر قانون نافذ کرنے والے اداروں کے نمائندے بھی شریک ہیں۔
