سابق کمشنر راولپنڈی لیاقت علی چٹھہ نے الیکشن کمیشن کی کمیٹی کے سامنے اپنا بیان ریکارڈ کرایا۔الیکشن کمیشن ذرائع کے مطابق سابق کمشنر راولپنڈی لیاقت علی چٹھہ نے الزامات کے حوالے سے الیکشن کمیشن کمیٹی کے سامنے بیان ریکارڈ کرایا ہے۔الیکشن کمیشن کے ذرائع کا یہ بھی کہنا ہے کہ کمیشن کی تحقیقاتی کمیٹی نے گزشتہ روز سابق کمشنر راولپنڈی کو بیان دینے کے لیے نوٹس بھیجا تھا۔واضح رہے کہ 17 فروری کو راولپنڈی کے سابق کمشنر لیاقت علی چٹھہ نے انتخابی دھاندلی کے الزامات عائد کیے تھے۔اسی روز راولپنڈی کے سابق کمشنر لیاقت علی چٹھہ نے انتخابی بے ضابطگیوں پر استعفیٰ دے دیا اور خود کو پولیس کے حوالے کرنے کا فیصلہ کیا۔
تبصرے (0)
اپنا تبصرہ لکھیں