سوات کے علاقے مدین میں مبینہ طور پر توہین مذہب کے الزام میں ایک شخص کو قتل کرنے کے واقعے میں ملوث 23 افراد کو گرفتار کر کے نامعلوم مقام پر منتقل کر دیا گیا۔اس حوالے سے پولیس کا کہنا ہے کہ گرفتار افراد کے خلاف تھانے پر حملے اور آتش زنی کا مقدمہ پہلے ہی درج ہے۔پولیس کا کہنا ہے کہ واقعے میں ملوث مزید افراد کی گرفتاری کے لیے کارروائی جاری ہے۔دوسری جانب مدین واقعے کی تحقیقات کے لیے جے آئی ٹی تشکیل دے دی گئی، جس کا اعلامیہ جاری کر دیا گیا ہے۔بیان کے مطابق جے آئی ٹی 9 ارکان پر مشتمل ہے، ایس پی تحقیقاتی کمیٹی کے سربراہ ہوں گے۔واضح رہے کہ 20 جون کو مدین میں لوگوں نے قرآن کی بے حرمتی کے الزام میں ایک سیاح کو تشدد کا نشانہ بنا کر جلا دیا تھا۔
تبصرے (0)
اپنا تبصرہ لکھیں