وزیراعظم کی اداروں کے کیخلاف بیرون ملک سے ہونے والی غلیظ مہم کی مذمت

وزیراعظم پاکستان شہبازشریف نے فوج اور اس کے سربراہ کیخلاف بیرون ملک سے ہونے والی غلیظ مہم کی شدید مذمت کرتے ہوئے کہا کہ آرمی چیف کیخلاف مہم ناقابل برداشت ہے . ان کا مزید کہنا تھا کہ اداروں کیخلاف سازش کا تسلسل ہے۔ بیرون ملک رہنے والےمحب وطن پاکستانی فارن فنڈڈ مہم کے خلاف آواز بلند کریں۔وزیراعظم پاکستان نے کہا کہ زہریلی سیاست کو بیرون ملک پاکستانیوں کے ذریعے پھیلایا جارہا ہے۔ بیرون ملک مقیم پاکستانی اس سازش کا حصہ ہرگز نہ بنیں۔ عمران خان اداروں کو اپنی گندی سیاست میں گھسیٹ رہے ہیں۔ان کا مزید کہنا تھا کہ وزیرداخلہ ملک کے اندر غلیظ مہم چلانے والوں سے سختی سے نمٹیں۔ افراتفری، فساد اور بغاوت کو ہوا دینے والوں کیخلاف سخت سے سخت کارروائی کی جائے۔وزیراعظم نے کہا کہ تاریخ میں پہلی بار میرٹ پر تعینات آرمی چیف کیخلاف ملک دشمن عناصرمہم چلا رہے ہیں۔ قوم اپنے اداروں کے ساتھ شانہ بشانہ کھڑی ہے اور شرپسندوں کے خلاف متحد ہے۔