پاکستان میں رومانیا کے سفیر ڈان اسٹوئنسکو نے پاکستانی قوم کو یومِ آزادی پر مبارکباد دیتے ہوئے دونوں ممالک کے درمیان مشترکہ ثقافتی روابط کے ایک خوبصورت باب کو اجاگر کیا ہے
اپنے خصوصی پیغام میں رومانوی سفیر نے کہا کہ پاکستان کے یومِ آزادی کے موقع پر دونوں ممالک کے مشترکہ ثقافتی تعلقات کی ایک خوبصورت مثال یاد آتی ہے، جو پاکستان کے قومی ترانے ’’قومی ترانہ‘‘ کی پہلی مرتبہ پیشہ ورانہ پولی فونک کُرال ترتیب اور اس کے باضابطہ میوزیکل اسکور کی تیاری سے متعلق ہے۔
انہوں نے بتایا کہ پاکستان کے قومی ترانے کی یہ منفرد پیشکش رواں سال رومانیا کے معروف میڈرگل نیشنل چیمبر کوئر – مارین کانسٹنٹن نے پیش کی۔
سفیر ڈان اسٹوئنسکو نے اسے پاکستان کی موسیقی اور ثقافتی ورثے کے لیے رومانیا کی جانب سے ایک منفرد اور قابلِ قدر ثقافتی contribution قرار دیا۔
انہوں نے کہا کہ پاکستان اور رومانیا کے درمیان یہ ثقافتی روابط دونوں ممالک کے درمیان دوستی اور باہمی احترام کی عکاسی کرتے ہیں۔
رومانوی سفیر نے پاکستانی عوام کے لیے امن، خوشحالی اور مسلسل ترقی کی نیک خواہشات کا اظہار کرتے ہوئے دعا کی کہ پاکستان ہمیشہ طاقت، اتحاد اور امید کے ساتھ روشن رہے۔
انہوں نے یومِ آزادی کے موقع پر پاکستانی قوم کو ایک بار پھر مبارکباد پیش کی
تبصرے (0)
اپنا تبصرہ لکھیں