پنجگور میں مزدوروں کا قتل ، وزیراعظم نے سخت ہدایت جاری کردی

شہباز شریف نے کہا ہے کہ مزدوروں اور مزدوروں پر حملوں کے سفاکانہ واقعات کی جتنی بھی مذمت کی جائے کم ہے۔شہباز شریف نے پنجگور کے علاقے خدا آباد میں فائرنگ اور مزدوروں کے قتل کی شدید مذمت کرتے ہوئے جاں بحق افراد کے درجات کی بلندی اور لواحقین سے اظہار تعزیت کیا۔انہوں نے زخمی کارکنوں کی جلد صحت یابی کی دعا کی اور ہر ممکن طبی امداد فراہم کرنے کی ہدایت کی۔شہباز شریف نے کہا ہے کہ یہ معصوم اور بے گناہ مزدور پنجگور کے علاقے خدا آباد میں مکان کی تعمیر پر کام کر رہے تھے۔وزیر اعظم نے وزیر اعلی بلوچستان سے واقعے کی رپورٹ طلب کرتے ہوئے مجرموں کو کیفر کردار تک پہنچانے کے لیے ہر ممکن اقدامات کی ہدایت کی ہے۔ان کا کہنا ہے کہ سر زمین پاکستان سے ہر قسم کی دہشت گردی کو جڑ سے اکھاڑ پھینکنے کے لیے پرعزم ہے۔