پاکستان کی معیشت مستحکم بنانے میں چین کا کردار ناقابل فراموش ہے ، محسن نقوی

محسن نقوی نے کہا ہے کہ پاکستان کی معیشت کو مستحکم بنانے میں چین کا کردار ناقابل فراموش ہے۔محسن نقوی نے چینی قونصل جنرل ژا شیریں سے ملاقات کی اور انہیں چین کے یوم تاسیس پر مبارکباد دی۔اس موقع پر انہوں نے کہا کہ صدر شی جن پنگ کی قیادت میں چین ترقی کی نئی بلندیوں پر پہنچا ہے۔ چین کی تیز رفتار ترقی سب کے لیے رول ماڈل ہے۔محسن نقوی نے کہا کہ چین پاکستان کا سب سے قابل اعتماد اور مخلص دوست ہے، پاکستان کو چین کے ساتھ اپنی لازوال دوستی پر فخر ہے۔انہوں نے یہ بھی کہا کہ سی پیک نے پاک چین دوستی کو نئی بلندیوں تک پہنچا دیا ہے۔