کراچی میں جرائم کی شرح میں کمی ہوئی، ایڈیشنل آئی جی

ایڈیشنل آئی جی کراچی جاوید عالم اوڈھو نے اسلامیہ کالج کے قریب فائرنگ میں ملوث ملزمان کو کیفر کردار تک پہنچانے کا اعلان کردیا۔جاوید عالم اوڈھو نے کہا کہ کراچی میں اس سال جرائم کی شرح میں کمی واقع ہوئی ہے، ڈسٹرکٹ سینٹرل سے سی سی ٹی وی کیمروں کی شروعات کی ہے۔ان کا کہنا تھا کہ 35 ہزار کیمرے پورے کراچی میں لگے ہیں۔ کراچی میں رواں سال ڈکیتیوں میں 103 شہری جاں بحق ہوئے، 150 سے زائد کرمنلز مقابلوں میں ہلاک ہوئے ہیں۔