عمران عباس کی مدینہ منورہ میں حاضری، نعت پڑھنے کی ویڈیو وائرل

حال ہی میں عمرے کی سعادت حاصل کرنے والے پاکستان شوبز انڈسٹری سے وابستہ خوب رو اداکار عمران عباس کی مسجد نبویؐ کے صحن سے نعت پڑھتے ہوئے ویڈیو وائرل ہوگئی۔فوٹو اینڈ ویڈیو شیئرنگ پلیٹ فارم انسٹاگرام کے ذریعے گزشتہ دنوں اداکار عمران عباس نے اپنے پہلے عمرے کے حوالے سے خبر دی اور تصاویر شیئر کی۔تاہم اب انہوں نے مسجد نبوی کے صحن میں بیٹھ کر اپنی خوبصورت آواز میں نعت پڑھتے ہوئے ویڈیو شیئر کی جو سوشل میڈیا پر وائرل ہوگئی۔ویڈیو میں سنا جاسکتا ہے کہ عمران عباس مقبول نعت ’ کھلا ہے سبھی کے لیے باب رحمت ’ کو اپنے انداز میں پڑھ رہے ہیں۔