ہمیں سیاسی دشمنی کو ختم کرنا پڑے گا، شاہد خاقان عباسی

سابق وزیراعظم شاہد خاقان عباسی نے کہا ہے کہ ہمیں سیاسی دشمنی کو ختم کرنا پڑے گا۔
جہلم میں میڈیا سے گفتگو میں شاہد خاقان عباسی نے کہا کہ صرف بانی پی ٹی آئی کی رہائی کسی بھی سیاسی جماعت کا مقصد نہیں ہوسکتا۔
انہوں نے کہا کہ ہمیشہ ملک کی بات کریں ملکی سیاست، ملک کی بہتری کی بات کریں، بانی پی ٹی آئی کی رہائی اور ان کے مسائل کا حل ملکی مسائل کے حل میں ہے۔
سابق وزیراعظم نے مزید کہا کہ ملکی معیشت کا حل بھی آئین کی بالادستی میں ہے، وہ ملک ترقی نہیں کرسکتا جس میں قانون کی حکمرانی نہ ہو۔
ان کا کہنا تھا کہ سیاست اپوزیشن اور حکومت سے ہوتی ہے، ہمیں سیاسی دشمنی کوختم کرنا پڑے گا۔
شاہد خاقان عباسی نے یہ بھی کہا کہ ج بلوچستان کی صورت حال حکومت کی عدم توجہ سے ہے، وہ ملک ترقی نہیں کرسکتا جس قانون کی حکمرانی نہ ہو۔