یورپی یونین کے ساتھ تعاون کو مزید وسعت دینے کے خواہاں ہیں، آرمی چیف

یورپین یونین کی سفیر اور آرمی چیف کے درمیان مشترکہ مفادات کی بنیاد پر باہمی رابطوں کو مزید بڑھانے پر زور دیا گیا ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ اور یورپی یونین کی سفیر ڈاکٹر رینا کے درمیان ملاقات ہوئی جس میں باہمی دلچسپی اور علاقائی سکیورٹی صورتِ حال پر بات چیت کی گئی
آئی ایس پی آر نے بتایا کہ ملاقات میں باہمی دلچسپی کے امور علاقائی سلامتی کی صورتحال پر تبادلہ خیال کیا گیا جبکہ یورپی ممالک کے ساتھ پاکستان کا تعاون بھی زیر بحث آیا۔
آئی ایس پی آر نے بتایا کہ اس موقع پر آرمی چیف کا کہنا تھا کہ پاکستان یورپی یونین کیساتھ اپنے تعلقات کو خصوصی اہمیت دیتا ہے اور یورپی یونین کیساتھ مختلف شعبوں میں تعاون کو مزید وسعت دینے کے خواہا ہیں۔
آئی ایس پی آر کا کہنا تھا کہ آرمی چیف نے یورپی یونین کی سفیر کو نئی زمہ داریاں سنبھالنے پر مبارک باد دی۔
یورپی یونین کی سفیر نے پاکستان میں بدترین سیلاب کی تباہ کاریوں پر دُکھ کا اظہار کیا۔

ڈاکٹر رینا نے سیلاب متاثرین کے اہل خانہ سے دلی تعزیت اور مکمل تعاون کی پیشکش کی۔ انہوں نے ریسکیو اینڈ ریلیف کوششوں میں پاک فوج کے کردار کو سراہا۔ آرمی چیف نے متاثرین کی بحالی کے لیے یورپی یونین کے تعاون پر اظہارِ تشکر کیا۔