مریضوں کی بینائی جانے کے بعد سندھ میں بھی ایواسٹن انجکشن پر پابندی عائد

کراچی: پنجاب کے بعد سندھ میں بھی ایواسٹن انجکشن کی خرید و فروخت پر پابندی عائد کردی گئی۔محکمہ صحت سندھ کے ڈرگ انسپکٹرز نے نگراں وزیر صحت کی ہدایت پر اسپتالوں، گوداموں اور فارمیسیز سے ایواسٹن انجکشنز تحویل میں لینا شروع کردیے ہیں۔محکمہ صحت سندھ نے مخصوص بیج اور ریکارڈ کی چھان بین کی ہدایت بھی دی ہے جس کے بعد اس بیج کی فروخت اور فراہمی کا ریکارڈ چیک کیا جائے گا۔واضح رہے کہ پنجاب میں آشوب چشم کے مرض میں مبتلا متعدد افراد مذکورہ انجیکشن لگنے کے باعث بینائی سے محروم ہوگئے تھے جس کے بعد پنجاب میں اس پر پابندی لگادی گئی تھی۔