میرے کیس کی ملزمہ کے نام پر 500 سمز ہیں ، عظمیٰ بخاری

اپنے جعلی ویڈیو کیس پر بات کرتے ہوئے عظمی بخاری نے کہا کہ میں وزیر ہوں، میرے پاس وسائل ہیں لیکن میں بدلہ نہیں لینا چاہتی۔لاہور ہائیکورٹ کے باہر میڈیا سے گفتگو کرتے ہوئے عظمی بخاری نے کہا کہ میں اپنا مقدمہ نہیں لڑ رہی، خواتین کے حقوق کے لیے کوشش کر رہی ہوں۔انہوں نے کہا کہ ایف آئی اے نے کچھ بہتر کام کیا جس کی چیف جسٹس نے تعریف بھی کی۔وزیراطلاعات پنجاب نے کہا کہ پی ٹی آئی اپنے پروپیگنڈہ سیل سے لوگوں کی توہین کرتی ہے، میرے کیس میں ملزم کے شوہر کے پاس موبائل فون فرنچائز ہے اور اس خاتون کے نام پر اب تک 500 سمیں جاری ہو چکی ہیں۔ انہیں بلیک میل کیا جاتا ہے اور ان کے ساتھ ناروا سلوک کیا جاتا ہے۔انہوں نے کہا کہ یہ لوگ ہماری سوچ سے زیادہ خطرناک اور ظالم ہیں لیکن عدالت میں کھڑے ہوکر معصوم اور مظلوم بن جاتے ہیں۔عظمی بخاری نے کہا کہ ہمارے پاس نہ تو جعلی اکانٹس ہیں اور نہ ہی ہم بنانا چاہتے ہیں۔ان کا مزید کہنا تھا کہ سوشل میڈیا کے استعمال کے لیے قواعد و ضوابط تیار کرنا ہوں گے، یہ 500 سمز عوام کی خدمت کے لیے نہیں نکالی گئیں بلکہ فساد اور بغاوت کے لیے نکالی گئی ہیں، یہ لوگ بھی اسرائیل کے خلاف نہیں جا سکتے کیونکہ ان کے بچے اسرائیل ہیں۔