بانی سردار خان نیازی

🌤 Rawalpindi 20.7°C
Wednesday, 18 November 2026 | پاکستان: 9 جمادی الثانی 1448
نیا چیف آف اسٹاف

ٹرمپ نے جنرل کرسٹوفر لانیو کو امریکی فوج کا نیا چیف آف اسٹاف نامزد کر دیا

Wednesday, 18 November, 2026

امریکی صدر ڈونلڈ ٹرمپ نے جنرل کرسٹوفر لانیو کو امریکی فوج کا نیا چیف آف اسٹاف مقرر کرنے کے لیے نامزد کر دیا ہے، لانیو اس وقت قائم مقام چیف آف اسٹاف کے طور پر خدمات انجام دے رہے ہیں۔ جنرل لانیو اس سے قبل وزیر دفاع پیٹ ہیگسیتھ کے سینئر فوجی معاون رہ چکے ہیں،انھیں رواں سال فروری میں فوج کا وائس چیف آف اسٹاف مقرر کیا گیا تھا، جب کہ اپریل میں ہیگسیتھ کی جانب سے سابق آرمی چیف جنرل رینڈی جارج کو اچانک برطرف کیے جانے کے بعد لانیو نے قائم مقام چیف کی ذمہ داریاں سنبھال لی تھیں۔

کرسٹوفر لانیو نے امریکی فوج میں 36 سال خدمات انجام دی ہیں اور 82 ویں ایئربورن ڈویژن اور جنوبی کوریا میں آٹھویں فوج سمیت اہم کمانڈز سنبھال چکے ہیں۔ تاہم ان کی مستقل تقرری آسان نظر نہیں آ رہی، سینیٹ میں بعض ریپبلکن ارکان سمیت قانون سازوں نے ہیگسیتھ کے قریبی سمجھے جانے والے کرس لانیو کی نامزدگی پر تحفظات کا اظہار کیا ہے، اب سینیٹ کی آرمڈ سروسز کمیٹی ان کی نامزدگی کا جائزہ لے گی۔

تبصرے (0)

0 کل تبصرے

اپنا تبصرہ لکھیں

Leave a Reply

Your email address will not be published. Required fields are marked *