پنجاب حکومت مشکل میں، اپوزیشن نے ہوم ورک مکمل کرلیا

پاکستان تحریک انصاف کے رہنما افتخار درانی کا کہنا ہے کہ اپوزیشن نے پنجاب میں پی ٹی آئی کی حکومت گرانےکیلئے ہوم ورک مکمل کر لیا ہے۔
تٖفصیلات کے مطابق افتخار درانی کا کہنا تھا پنجاب میں پی ٹی آئی وزیر اعلیٰ پرویز الہیٰ کی حکومت کو گرانے کی سازش کی جا رہی ہے، ان کا کہنا تھا کہ ہمارے لوگوں کو فون آ رہے ہیں اور انہیں کہا جا رہا ہے کہ پارٹی چھوڑ دیں۔
ان کا مزید کہنا تھا کہ اپوزیشن کی پنجاب حکومت کو گرانے کی سازشوں سے متعلق عمران خان کو بھی آگاہ کر دیا گیا ہے اور جو لوگ پارٹی چھوڑیں گے نااہلی ان کا مقدر بن جائی گی، اگر انہیں اپنی سیاست پیاری نہیں ہے تو بے شک پارٹی چھوڑ دیں۔
افتخار درانی نے مزید انکشاف کیا کہ اپوزیشن نے پنجاب حکومت کو گرانے کے لیے ہوم ورک مکمل کر لیا ہے لیکن اس پر عمل درآمد کے لیے کوششیں جاری ہیں، ہم سیاسی میدان میں انہیں دوبارہ شکست دیں اور واپس حکومت قائم کریں گے۔
یاد رہے کہ چند روز قبل عمران خان نے بھی ایک بیان میں کہا تھا کہ پنجاب حکومت کو گرانے کی سازش ہو رہی ہے اور ہمارے اراکین کو مسٹر ایکس اینڈ وائے فون کر کے ڈرایا دھمکارہے ہیں۔