اسلام آباد ہائی کورٹ نے توشہ خانہ کیس 2 کا تحریری حکم نامہ جاری کر دیا۔جسٹس میاں گل حسن اورنگزیب نے 3 صفحات پر مشتمل محفوظ کیا گیا فیصلہ جاری کیا۔اسلام آباد ہائی کورٹ نے اپنے فیصلے میں کہا ہے کہ قومی جوڈیشل پالیسی کے مطابق مجسٹریٹ کے لیے 3 دن اور سیشن کورٹ کو 5 دن میں ضمانت پر فیصلہ دینا ضروری ہے۔فیصلے میں کہا گیا ہے کہ قومی جوڈیشل پالیسی کے مطابق ہائی کورٹ کو 7 دن میں ضمانت پر فیصلہ کرنا ہوتا ہے جب کہ سیشن کورٹ کے لیے دی گئی مہلت کا اطلاق خصوصی عدالت پر ہوگا۔اسلام آباد ہائی کورٹ نے فیصلے میں کہا ہے کہ درخواست گزار کے مطابق ان کی درخواست ضمانت میں بلا وجہ تاخیر ہوئی۔متاثرہ کی حیثیت سے درخواست گزار کے وکلا نے درخواست ضمانت پر جلد فیصلہ کرنے کی ہدایت کی درخواست کی ہے۔عدالت عظمی کے فیصلے میں یہ بھی کہا گیا کہ کیس ایف آئی اے کو منتقل ہونے کے بعد ضمانت کی درخواستیں اسپیشل جج سینٹرل کے پاس زیر التوا ہیں۔
تبصرے (0)
اپنا تبصرہ لکھیں