کراچی:کار سوار ملزمان کی فائرنگ، ایک تاجر جاں بحق

کراچی:اتحاد ٹاؤن میں کار سوار ملزموں کی فائرنگ سے ڈرائی فروٹ کا تاجر جاں بحق ہوگیا۔مقتول لیاری کا رہائشی تھا۔بلدیہ کے علاقے میں عید گاہ گراؤنڈ موڑ کے قریب نامعلوم افراد نے کار پر فائرنگ کر دی جس سے37سالہ رفیع اللہ ولد سردار خان جاں بحق ہوگیا۔مقتول ڈرائی فروٹ کا تاجر اور لیاری کے علاقے چاکیواڑہ کوئلہ گودام کا رہائشی تھا جب کہ شناختی کارڈ پر سعید آباد کا پتہ درج تھا۔مقتول کا آبائی تعلق لکی مروت سے تھا جب کہ وہ 5بچوں کا باپ تھا۔مقتول کے جیت میں 35ہزار روپے نقد اور قیمتی موبائل فون موجود تھا۔جو پولیس نے قبضے میں لے لیا ہے۔