کاغذات نامزدگی کے فیصلوں پر اپیلیں آج دائر کی جائیں گی

انتخابی امیدواروں کے کاغذات نامزدگی منظور یا مسترد کرنے کے فیصلوں پر آج سے اپیلیں دائر کی جا سکیں گی۔ ملک بھر میں عام انتخابات کے لیے کاغذات نامزدگی جمع، قبول یا مسترد کرنے کا عمل مکمل ہو گیا ہے۔ ریٹرننگ افسران کے فیصلوں کے خلاف اپیلوں کا عمل آج سے 3 جنوری تک جاری رہے گا۔ الیکشن ٹریبونل ان اپیلوں پر 10 جنوری تک فیصلہ کرے گا جب کہ امیدوار 12 جنوری تک اپنے کاغذات واپس لے سکیں گے۔ امیدواروں کو انتخابی نشان 13 جنوری کو دیئے جائیں گے، عام انتخابات 8 فروری کو ہوں گے۔