اوزون کرہ ارض پر زندگی کی بقا کیلئے نہایت اہم ہے،مریم نواز

وزیر اعلی پنجاب مریم نواز نے کہا ہے کہ زمین پر زندگی کی بقا کے لیے اوزون کا تحفظ بہت ضروری ہے۔اوزون کے تحفظ کے عالمی دن کے موقع پر مریم نواز نے اپنے پیغام میں کہا ہے کہ ماحولیات مخالف سرگرمیوں کے باعث اوزون کی تہہ کو شدید نقصان پہنچا ہے۔انہوں نے مزید کہا کہ اوزون کی تہہ کو پہنچنے والے نقصان سے موسمیاتی تبدیلی، بیماریاں اور دیگر خطرات پیدا ہو رہے ہیں۔یاد رہے کہ مریم نواز شریف نے وزیر اعلی پنجاب کا عہدہ سنبھالتے ہی ماحولیات کی بہتری کے لیے کئی منصوبوں پر کام شروع کر دیا تھا، جن میں ای بائیکس اور پلاسٹک بیگز کے استعمال کے خاتمے پر بات کی گئی تھی۔