بانی سارے کارڈ الٹے کھیل کر مشکل میں پھنس گئے، فیصل واوڈا

سینیٹر فیصل واوڈا نے کہا ہے کہ بانی پی ٹی آئی سارے کارڈ الٹے کھیل کر اب مشکل میں پھنس گئے ہیں۔ایک بیان میں فیصل واوڈا نے کہا کہ پی ٹی آئی میں دھڑے بندی اور گروپنگ ہے، سب کو آزادی اور مال سب مل رہا ہے۔ انہوں نے کہا کہ کچھ نہیں ملا تو بانی پی ٹی آئی کو نہیں ملا، بانی پی ٹی آئی اکیلے رہ گئے ہیں سارے کارڈ الٹے کھیل کر اب مشکل میں ہیں۔ سینیٹر فیصل واوڈا نے مزید کہا کہ پی ٹی آئی کی بیرون ملک فنڈنگ رک گئی ہے، پارٹی کے حامیوں کو پتہ چل گیا ہے کہ سب نے فنڈنگ کے نام پر اپنی دکانیں کھولی ہوئی ہیں۔