صوابی جانیوالی نجی مشینری کو روکا گیا ، صدر پی ٹی آئی پشاور

صدر پی ٹی آئی پشاور عرفان سلیم نے دعوی کیا ہے کہ صوابی جانے والی پرائیویٹ مشینری کو پشاور ٹول پلازہ کے قریب پولیس نے روک لیا۔عرفان سلیم کے مطابق پولیس کی جانب سے روکے جانے کے بعد اچانک نامعلوم افراد نے حملہ کیا اور ٹائروں پر فائرنگ کرکے ناکارہ بنا دیا۔پی ٹی آئی رہنما نے بتایا کہ کرینوں پر پیٹرول چھڑک کر آگ لگانے کی کوشش کی گئی تو پی ٹی آئی اراکین موقع پر پہنچ گئے۔ان کا مزید کہنا ہے کہ واقعے کے بعد سے کرینوں کے ڈرائیورز اور دیگر اسٹاف لاپتہ ہیں۔واضح رہے کہ پاکستان تحریک انصاف کا احتجاج آج ہوگا، انتظامیہ کی جانب سے وفاقی دارالحکومت کے داخلی اور خارجی راستے سیل کرکے رینجرز، پولیس اور ایف سی کی بھاری نفری تعینات کر دی گئی ہے۔