لاہور سمیت پنجاب میں ایل پی جی کی قیمت تاحال کم نہ ہو سکی

صوبائی دارالحکومت سمیت پنجاب بھر میں ایل پی جی کی قیمت تاحال کم نہ ہو سکی، صوبے میں کہیں بھی ایل پی جی سرکاری قیمت پر دستیاب نہیں ہے۔ایل پی جی ڈسٹریبیوٹر کے مطابق ایل پی جی مافیا نے دو ہفتوں میں ڈھائی ارب روپے سے زائد منافع کما لیا۔

دکانداروں کا کہنا ہے کہ پیرا فورس اور دیگر ادارے دکانداروں کے خلاف کارروائی کرتے ہیں لیکن اوگرا نے ابھی تک کسی ایل پی جی پلانٹس والے کے خلاف کارروائی نہیں۔ ایل پی جی پلانٹس سے 525 سے زائد قیمت پر ملے گی تو سستی کیسے فروخت کریں گے۔