مرتضی وہاب اِن ٹیسلا سائبر ٹرک، سب دنگ رہ گئے

مئیر کراچی مرتضی وہاب کی پاکستان کے پہلے ٹیسلا سائبر ٹرک میں بیٹھے سوشل میڈیا پر ویڈیو وائرل ہوئی تو وہ صارفین کی توجہ کا مرکز بن گئے۔
مختلف سوشل میڈیا پلیٹ فارمز پر مرتضی وہاب کی ایک مختصر ویڈیو وائرل ہو رہی ہے۔حال ہی میں کراچی کے ساحل پر ورلڈ کلاس ریزورٹ کا افتتاح کرنے والے مئیر کراچی وائرل ویڈیو میں ٹیسلا سائبر ٹرک میں سیر سپاٹے کر رہے ہیں، جسے دیکھ کر سوشل میڈیا صارفین دنگ رہ گئے۔
سوشل میڈیا پیج کے مطابق میئر کراچی گزشتہ روز ایک تقریب میں شرکت کے لیے ٹیسلا سائبر ٹرک خود ڈرائیو کرکے پہنچے۔
واضح رہے کہ مرتضی وہاب کی سائبر ٹرک میں سیر و تفریح کرتے ویڈیو سوشل میڈیا پر وائرل تو ہو رہی ہے، البتہ یہ واضح نہیں ہے کہ مذکورہ ٹرک کس کا ہے۔
دوسری جانب ایک سوشل میڈیا پیج کے مطابق یہ ٹیسلا سائبر ٹرک پاکستان کا پہلا ٹیسلا سائبر ٹرک ہے جو حال ہی میں کراچی پورٹ پر پہچا تھا۔