اسلام آباد — ناروے کے وزیر خارجہ نائب وزیر اعظم اور وزیر خارجہ اسحاق ڈار کی دعوت پر جمعرات کو دو روزہ سرکاری دورے پر پاکستان پہنچیں گے، دفتر خارجہ نے بدھ کو کہا۔
ناروے کے وزیر خارجہ 13 سے 14 اگست 2026 تک پاکستان کا دورہ کریں گے، یہ ایک دہائی میں ناروے کے کسی وزیر خارجہ کا پہلا دورہ پاکستان ہوگا۔
ترجمان دفتر خارجہ کے مطابق اسحٰق ڈار اور ان کے نارویجن ہم منصب دورے کے دوران وفود کی سطح پر مذاکرات کریں گے جس میں پاکستان اور ناروے کے درمیان دوطرفہ تعلقات کے تمام پہلوؤں کا جائزہ لیا جائے گا۔
بات چیت میں تجارت اور سرمایہ کاری، موسمیاتی تبدیلی، تعلیم اور عوام سے عوام کے رابطوں سمیت اہم شعبوں میں تعاون کو وسعت دینے پر توجہ دی جائے گی۔
ترجمان نے کہا کہ دونوں وزرائے خارجہ اہم علاقائی اور بین الاقوامی پیش رفت پر بھی تبادلہ خیال کریں گے۔
دفتر خارجہ نے اس دورے کو پاکستان اور ناروے کے درمیان دوطرفہ تعلقات کو مزید مضبوط بنانے اور متعدد شعبوں میں تعاون کی نئی راہیں تلاش کرنے کی جانب ایک اہم قدم قرار دیا۔
تبصرے (0)
اپنا تبصرہ لکھیں